ఈల పాట

                  ప్రియంవద పనిమనిషి రాకపోతే బట్టలు తీసుకురావటానికి మేడపైకి వెళ్ళింది.బట్టలు మడతపెట్టటంలో
నిమగ్నమయి తీస్తూనే పనిమనిషి లావణ్య గురించి ఆలోచిస్తుంది.ఇంతలో పెద్దగా ఈలపాట వినిపించింది.ఉలిక్కిపడి
నన్నుచూచి ఈల వేసేంత ధైర్యం ఎవరికుంది?అని అనుకుంటూ చుట్టూ చూసేసరికి ఒకపిట్ట పెద్దగా ఈలవేస్తూ ప్రక్క ఇంటిమీద నుండి ఎగిరి వెళ్ళిపోయింది.ప్రియంవద పైన తనొక్కదాన్నే ఉన్నానన్న విషయం కూడా మర్చిపోయి పెద్దగా నవ్వేసింది.మేనెలలో కొన్నిపక్షులు ఈల వేస్తాయన్నవిషయం అంతకు ముందే పుస్తకంలో చదివింది కానీ
అవి మనదగ్గర కూడా ఉంటాయన్నవిషయం తెలియదు.అటువంటిపక్షిని ఇదేమొదటిసారి చూడటం,దానిఈలపాట
వినడం అందుకని ప్రియంవద ఆశ్చర్యపోయింది.