Monday 28 July 2014

కోడి'గ్రుడ్డు' వేపుడు

         కోడిగ్రుడ్లు - 6
        ఉల్లిపాయలు - 4
        పచ్చి మిర్చి - 5
       పచ్చి కొబ్బరి  - 2 స్పూన్లు
       అల్లం,వెల్లుల్లి పేస్ట్ - 1 స్పూను
       ఉప్పు,నూనె - తగినంత
       వేపుడు కారం - 1 టేబుల్  స్పూను
      మసాలాపొడి - 1/2 టీ స్పూను
      కరివేపాకు - కొంచెం
                                      ముందుగా కోడిగ్రుడ్లు ఉడికించి పై పెంకు ఒలిచి చాకుతో చిన్నచిన్నగాట్లు పెట్టుకోవాలి.
ఉల్లిపాయలు చాలాసన్నగా,చిన్నగా కట్ చేసుకోవాలి.ఇదే ఈకూర ప్రత్యేకత.పచ్చి మిర్చి కూడా కట్ చేసుకోవాలి.స్టవ్ వెలిగించి బాండీ పెట్టి నూనె వేయించడానికి సరిపడా వెయ్యాలి.ముందుగా సిమ్ లో కోడిగ్రుడ్లు వేయించి ప్రక్కన పెట్టాలి.తర్వాత తాలింపుకు అవసరమైన దినుసులన్నీ,కరివేపాకు వేసి వేగినతర్వాత ఉల్లి, పచ్చిమిర్చి ముక్కలు వేయాలి.అల్లం,వెల్లుల్లి పేస్ట్ ,ఉప్పు వేసి వేయించాలి.ఉల్లిపాయ ఎక్కువ వేయించగూడదు.పచ్చి వాసనపోయి మగ్గీ మగ్గనట్లుగా ఉన్నపుడు కొబ్బరివేసి రెండుసార్లు అట్లకాడతో త్రిప్పి, వేపుడు కారం వేసి గ్రుడ్లు,మసాలాపొడి కూడా వేసి గ్రుడ్లు విడిపోకుండా అటూఇటు రెండుసార్లు త్రిప్పి తీసేస్తే నోరూరించే కోడి'గ్రుడ్డు'వేపుడు రెడీ.ఇది అన్నంలోకి చాలా రుచిగా ఉంటుంది.   

No comments:

Post a Comment